ඇල්ලේ සුකොමළිය
රාවණා ඇල්ල සංචාරකයන්ගේ ඇස පින වූ මනස්කාන්ත දර්ශනයකි. රාවණා ඇල්ල පහසුවෙන් ලගා වී නැරඹිය හැකි වන ලෙස ඇල්ල සිට බදුල්ල දක්වා දිවෙන සුන්දරත්වයෙන් අනූන මාර්ගයක ඉදිරිපස පිහිටා ඇත. ප්‍රධාන මාර්ගය ඇල්ල නැරඹීමට භාවිතා කරයි. කලකට නිසල ව ඇද හැලුන ද වැසි සමය තුළ ප්‍රචණ්ඩ ව අවර්ණව ඇද හැලෙයි. රාවණා ඇල්ල දේශීය මෙන් ම විදේශීය සංචාරකයන් ගේ ද ආකර්ෂණය දිනා ගන්නට වූවකි.
රාවණා ඇල්ල පිළිබඳ ජනප්‍රවාද රැසක් ද පවතී. රාමා සහ ඔහුගේ සහෝදර ලක්ෂ්මන් විසින් සිය සහෝදරියගේ නාසය කපාදැමීම හේතුවෙන් රාවණා විසින් සීතා පැහැරගෙන විත් මෙම දියඇල්ල පිටුපස වූ ගුහාවක රඳවා තැබූ බවට මතයක් පවතී. එසේම රාවණා විසින් මෙහි සිට රාවණහත්ත වාදනය කල බව ද මෙවැනිම මතිමතාන්තරයකි.
රාවණා රජු සීතා සැග වූ රාවණා ඇල්ල නමින් ද මෙය හදුන්වයි. රාවණා ඇල්ල ට බඹරගල ඇල්ල යනුවෙන් ද නාමයක් පවතී. රාවණා ගුහාව පිහිටා ඇත්තේ ඇල්ල කඳු මුදුනේ ය. මෙම ගුහාව තුළ සීතා දේවිය සගවා ගෙන සිටි බවට මත පවතී. මේ ගුහා අභ්‍යන්තරය තරමක් ගැඹුරු අතර මෙහි එක්තරා පොකුණක් පවතී. එය නිල් දිය පොකුණ නම් වේ. මෙම ගුහාව තුළ ආගාධ වැනි ලක්ෂණ පවතින බවත් ඒවාට ඇද වැටුන හොත් ගොඩ ඒමට පවා අපහසු බව කියවේ. මේ නිසා ම නිල් දිය පොකුණ ද තහනම් ස්ථානයක් බවට පත් ව ඇත.
ඇල්ල පාමුල සිට බලන කල්හි කඳුමුදුන් දෙක තුළින් ඇද හැලෙන ජල කඳ ප්‍රධාන ස්ථර තුනකින් විත් ද්විත්ව ඇල්ලක් දක්වා ගලා හැලෙන බව හොඳින් දිස් වේ. කිරිඳි ඔය වෙත ඇදී එන රාවණා ඇල්ල උසින් අඩි 82ක් පමණ වන බව සඳහන් වේ. රාවණා ඇල්ලේ ආරම්භය සිදුවන්නේ කිරිදි ඔය අතු ගංගාවකිනි. ඇල්ලට යටින් ඇති පාෂාණ ස්ථරය හුණුගල් ඉතා තද කළුගල් හා කොණ්ඩලයිට් වැනි පාෂාණ විශේෂ වලින් සමන්විත වන අතර 1950 වසරේදී මෙය රක්ෂිත වනාන්තරයක් බවට ද ප්‍රකාශයට පත් ව ඇත.
කණගාටුවට කරුණ වන්නේ නියං සමයේදී ඇතිවන ලැව්ගිනි මෙන්ම හේන් සඳහා ගොවීන් විසින් සිදුකරන ගිනි තැබීම් නිසා තව තවත් ඇල්ල සිඳී යාමේ තර්ජනයකට මුහුණ පෑමට සිදු වීමයි. රාවණා ඇල්ලේ ඉහළින් ඇති ජල පෝෂිත රක්ෂිතය හෙක්ටයාර 4777 ක භූමි භාගයක් පුරා පැතිර ඇති අතර මෙම රක්ෂිතය තුළ වලිකුකුළා වැලිමුවා වැනි දුර්ලභ සතුන් ද හමු වන අතර හෙක්ටයාර 1732 භූමි ප්‍රදේශයක් 1979 වසරේදී රාවණා ඇල්ල අභයභූමිය ලෙසින් ප්‍රකාශයට පත් කරන්නට විය.
අලංකාරත්වය යට බොහෝවිට සැඟව ඇත්තේ අනතුරුදායක බවයි. එය රාවණා ඇල්ලට ද පොදුය. මේ උඩ කොටසට ඇවිද යාමේදී ලිස්සායාමක් යාමක් සිදු වුවහොත් එය ඉතා අනතුරුදායක තත්වයකට පත්වේ. බොහෝවිට එය කෙළවර වන්නේ ජීවිත හානියක් ද සමගිනි. දැනට ඇති සංඛ්‍යා ලේඛන වලට අනුව 2003 වසරේදී පමණක් රාවණා ඇල්ලේ දී මිය ගිය සංක්‍යව 37කි. මෙහි දිය නෑම අවදානම් වන්නේ ඇල්ල කඩා හැලෙන ස්ථානයේ මීටර් 19 පමණ ගැඹුරු දිය සුලියක් පවතින බැවිනි.
ඇල්ල නැරඹීම සඳහා එන සංචාරකයින්ගේ පහසුව පිණිස වෙළෙඳසැල් ද එකල ඉදිකර තිබුණු අතර ඉහළ ජලාධාර කලමණාකාර ව්‍යාපෘතිය මගින් ඒවා වෙළඳුන්ට ලබා දී ඇත්තේ 2002 වසරේදී ය. ජනප්‍රවාදයේ සඳහන් වන පරිදි ඓතිහාසික වැදගත්කමක් ඇතැයි සැලකෙන රාවණා ඇල්ලට ලංකාවේ දිය ඇලි අතුරින් හිමිවන්නේ 79 වන ස්ථානයයි.
සංචාරකයන් ලෙස පරිසර සුන්දරත්වය අත්විඳි මතු පරපුර වෙනුවෙන් එම ස්ථාන සුරක්ෂිත ව පවත්වා ගැනීමට ඔබේ වගකීම ඉටුකර පා සටහන් පමණක් එම භූමිය තුළ ඉතිරි කර පැමිණීමට කටයුතු කරන්නේ නම් එම ස්ථාන නැවත නැරඹීමට සංරක්ෂණය වනු ඇත.
මූලාශ්‍ර
www.redpen.lk
www.silumina.lk
www.sltraveler.lk
.jpeg)
.jpeg)
No comments:
Post a Comment