බොඹුරු ඇල්ල යනු ලංකාවේ සංචාරය කරන විට හමුවන තවත් සුන්දර කොමලියකි. තරමක් සැගව තිබූ මෙය මෑතකාලීනව කරලියට පිවිසි සංචාරක තෝතැන්නකි. ශ්‍රී දැනට ලංකාවේ පළලතම දිය ඇල්ල ලෙස හදුනා ගෙන ඇත. බෝඹුරු ඇල්ල, පේරවැල්ල ඇල්ල යනුවෙන්ද හදුන්වයි. එය නුවරඑළිය සහ බදුල්ල දිස්ත්‍රික්ක මායිම් වලට සමීප වැලිමඩ නගරයේ සිට කිලෝ මීටර 15 ක් පමණ දුරින් ඌව පරණගම ප්‍රාදේශීය ලේකම් වසමේ පෙරවැල්ල ගම්මානයේ සීතා එළිය කඳපොල රක්ෂිතයේ පිහිටා තිබේ. උසින් මීටර් 50ක් පමණ වන දිය ඇල්ල පලලින් මීටර් 20ක් පමණ වේ.
මෙම දිය ඇල්ලට බෝඹුරු ඇල්ල නාමය පටබැදීම පිටුපස ඇත්තේද අපූරු කතාවකි. එනම් වරක් දෙවැනි රාජසිංහ රජුගේ ඇතා කුලප්පු වී බැඳ තිබූ දම්වැල් කඩාගෙන වන වැදී ඇත. ඇතා ඇල්ලීමට ඇත් ගොව්වන් කිසිවෙකුත් සමත් නොවීය. ඇතා අල්ලා දෙන කෙනකුට ගම්වරක් තෑගි දෙන බව රජු අණබෙරයක් මඟින් ප්‍රසිද්ධ කළේ ය. මෙම ප්‍රදේශයේ විසූ වනසිංහ මුත්තා නම් තැනැත්තා ඇතා අල්ලා බෝ ගසක මුලෙහි බැන්දේ ය. ඇතා බැන්දේ බෝමුලේ නිසා ගම ද ‘බෝමුලේ’ නමින් ව්‍යවහාරයට පත් විය. බෝමුලේ පසුව ‘බෝඹුරේ’ විය. ගම දියුණුවී වැලිමඩ සිට මාර්ගය තැනුණාට පසු ගම රටේ ම ප්‍රසිද්ධ විය යුතු යයි සිතා ඊට දිය ඇල්ලේ නම ද ඈඳමින් ‘බෝඹුරු ඇල්ල’ නම තැබූ බව සදහන් වේ.
බෝඹුරු ඇල්ල ආරම්භ වන්නේ සදතැන්න ආශ්‍රිතව පිහිටා තිබෙන බෝඹුරු අල්ල ජලාශයෙන් ගලා එන උමා ඔය පහලට කඩා හැලීමෙනි. මේ දිය දහර අතු කීපයක් ලෙසින් එක්වරම පහලට කඩා හැලෙයි. මේ ඇල්ල ලංකාවේ සුන්දරතම දිය ඇලි අතර වඩාත් ප්‍රචලිතව ඇත. බෝඹුරු ඇල්ල මධ්‍යම පලාත හා ඌව පලාත් මායිම ආසන්නව මධ්‍යම පළාත තුළ පිහිටයි.
බෝඹුරුඇල්ල වඩාත් සුන්දරව ගලායන්නේ මධ්‍යම කදුකරයට වැසි ලැබෙන නිරිත දිග මෝසම හා ඊසාන දිග මෝසම් කාල ද්විත්වය අතර වන අතර වියළි කාලගුණයක් සහිත කාල තුළ ඉතාමත් අඩු ධාරිතාවක් සහිතව දිය ඇල්ල ගලා යයි . සුන්දරත්වය උපරිම මට්ටමින් ප්‍රදර්ශනය කරමින් සිටි අතර දිය ඇල්ලෙන් නිකුත් වූ පින්න හාත්පස පරිසරය පුරා ගලා යෑමෙන් ආස්වාදයක් ජනිත කරයි. මේ පින්න ස්වභාවය නිසාම ඇල්ල පාමුල ඇති තණකොල පිටිය සම්පූර්ණයෙන්ම පාහේ මඩ ගොහොරුවක් බවට පත්ව තිබේ.බෝඹුරු ඇල්ල පාමුල පිහිටන කුඩා ගුහාවක් වැනි කොටසේ සිට දිය ඇල්ල නැරඹීමට ලැබීම වෙනස්ම අත්දැකීමක් ගෙන දෙයි.
බෝබුරු ඇල්ල පාමුල නෑම එතරම් ආරක්ෂිත නොවන අතර නෑම සදහා ම වේල්ලක් නිර්මාණය කර තිබේ.බෝඹුරු ඇල්ල අසල තණ පිටිය තුල කදවුරු බැදීම කාලයකට පෙර සංචාරක රැල්ලක්ව පැවති අතර, අධික සංචාරක ආගමනය හා පිලිවෙලක් නොමැතිව කදවුරු බැදීමත්, අවට පරිසරය සීග්‍රයෙන් විනාශ වීමටත් ලක් වූ නිසා මේ වන විට බෝඹුරු ඇල්ල අසල කදවුරු බැදීම අදාල ආයතන මගින් තහනම් කොට තිබේ. වගකීම් විරහිත සංචාරකයන්ගේ ක්‍රියාකලාප හේතුවෙන් මෙසේ සිදු වී ඇති අතර ඒ නිසා මේ නිසා සොබාදහමට සැබැවින්ම ආදරය කරන්නන්ටද කදවුරු බැදීමට තහංචි වැටී ඇත.
සංචාරකයන් ලෙස පරිසර සුන්දරත්වය අත්විඳි මතු පරපුර වෙනුවෙන් එම ස්ථාන සුරක්ෂිත ව පවත්වා ගැනීමට ඔබේ වගකීම ඉටුකර පා සටහන් පමණක් එම භූමිය තුළ ඉතිරි කර පැමිණීමට කටයුතු කරන්නේ නම් එම ස්ථාන නැවත නැරඹීමට සංරක්ෂණය වනු ඇත.
මූලාශ්‍ර
www.saravita.lk
www.google.lk
www.sltraveler.lk
.jpeg)
.jpeg)
No comments:
Post a Comment